| పల్లవి: |
| దేవర నీ దీవెనలు - ధారళముగను వీరలపై |
| బాగుగ వేగమే దిగనిమ్ము - పావన యేసుని ద్వారగను |
| 1. |
| దంపతులు దండిగ - నీ ధాత్రిలొ వెలయుచు సంపదలన్ |
| సొంపుగ నింపుగ పెంపగుచు - సహింపున వీరు సుఖించుటకై |
| ...దేవర... |
| 2. |
| ఈ కవను నీ కరుణన్ - ఆఖరు వరకును లోకములో |
| శోకము లేకయె యేకముగా - బ్రాకటముగను జేకొనుము |
| ...దేవర... |
| 3. |
| ఇప్పగిది నెప్పుడును - గొప్పగు ప్రేమచే నొప్పుస |
| దా - మొప్పిన చొప్పున దప్పకను - మెప్పుగ బ్రతుకగ బంపు కృపన్ |
| ...దేవర... |
| 4. |
| తాపములు పాపములు - మొపుగ వీరిపై రాకుండగా - |
| వుగ - బ్రాపుగ దాపునుండి - యపదలన్నియు బాపుచును |
| ...దేవర... |
| 5. |
| సాధులుగన్ చేయుటకై శోధనలచె నీవు శోధింపగా |
| గదలక వదలక ముదమున నీ - పాదము దాపున బాదుకొనన్ |
| ...దేవర... |
| 6. |
| మెండుగ భూ మండలపు - గుండములలో వీరుండగను |
| దండ్రిగ దండిగ నండనుండి - వెండియు వానిని ఖండింపన్ |
| ...దేవర... |
| 7. |
| ఇద్దర వీరిద్దరును - శుద్దులై నిన్ను సేవించుటకై |
| శ్రద్దతో బుద్ధిగ సిద్ధపడన్ - దిద్దుము నీ ప్రియ బిడ్డలుగన్ |
| ...దేవర... |
| 8. |
| వాసగ నీ దాసులము - చేసిన యీ మొఱల్ దీసికొని |
| మా సకలేశ్వర నీ సుతుడౌ - యేసుని పేరిట బ్రోవు మామెన్ |
| ...దేవర... |