« దేవ సంస్తుతి చేయవే మనసా
Dheva samsthuthi cheyave
share with whatsapp

పల్లవి:
దేవ సంస్తుతి చేయవే మనసా - శ్రీమంతుడగు యెహోవ సంస్తుతి   
చేయవే మనసా - దేవ సంస్తుతి చేయుమా నా - జీవమా యెహోవా   
దేవుని - పావన నామము నుతించుమా - నా యంతరంగము - లో   
వసించు - నో సమస్తమా - ఆ కారణముచే   
...దేవ...
1.
జీవమా యెహోవా నీకు - జేసినా మేళ్ళన్ మరువకు   
నీవు చేసిన పాతకంబులను మన్నించి జబ్బు - లేవియున్   
లే కుండ జేయును - ఆ కారణముచే   
...దేవ...
2.
చావు గోతి నుండి నిన్ను - లేవనెత్తి దయను కృపను   
జీవ కీరీ టముగ వేయును - నీ శిరసు మీద - జీవ   
కీరీ టముగ వేయును - ఆ కారణముచే   
...దేవ...
3.
యౌవనంబు పక్షిరాజు - యౌవనంబు వలెనే క్రొత్త   
యౌవనంబై వెలయునట్లుగ - మేలిచ్చి నీదు - భావమును   
సంతుష్టి పరచునుగా - ఆ కారణముచే   
...దేవ...
4.
ప్రభువు నీతి పనులు చేయున్ - బాధితులకు న్యాయమిచ్చున్   
విభుడు మార్గము తెలిపె మోషేకు - దన కార్యములను   
విప్పె నిశ్రా యేలు జనమునకు - ఆ కారణముచే   
...దేవ...
5.
అత్యధిక ప్రేమ స్వరూపి - యైన దీర్ఘశాంత పరుడు   
నిత్యము వ్యాజ్యంబు చేయడు - ఆ కృపోన్నతుడు   
నీపై నెపుడు కోపముంచడు - ఆ కారణముచే   
...దేవ...
6.
పామరులమని ప్రత్యుపకార - ప్రతిఫలంబుల్ పంపలేదు   
భూమి కన్న నాకసంబున్న - యెత్తుండు దైవ - ప్రేమ   
భక్త జనులయందున - ఆ కారణముచే   
...దేవ...
7.
పడమటికి తూర్పెంత యెడమో - పాపములకున్ మనకు   
నంత యెడము కలుగ జేసి యున్నాడు - మన పాపములను   
యెడము గానే చేసియున్నాడు - ఆ కారణముచే   
...దేవ...
8.
కొడుకులపై తండ్రి జాలి - పడు విధముగా భక్తి పరుల   
యెడల జాలి - పడును దేవుండు - తన భక్తి పరుల - యెడల   
జాలి పడును దేవుండు- ఆ కారణముచే   
...దేవ...
9.
మనము నిర్మితమయిన రీతి - తనకు దెలిసియున్న సంగతి   
మనము మంటి వారమంచును - జ్ఞాపకము చేసి - కొనుచు   
కరుణ జూపు చుండును - ఆ కారణముచే   
...దేవ...
10.
పూసి గాలి వీవ నెరిగి - పోయి బసను దెలియని వన - వాస   
పుష్పము వలెనె నరుడుండు - నరు నాయువు తృణ - ప్రాయము   
మన దేవకృప మెండు - ఆ కారణముచే   
...దేవ...
11.
పరమ దేవ నిబంధ నాజ్ఞల్ - భక్తితో గైకొను జనులకు   
నిరతమును కృప నిలిచి యుండును - యెహోవా నీతి   
తరముల పిల్లలకు నుండును - ఆ కారణముచే   
...దేవ...