| పల్లవి: |
| ఓ సంఘమా సర్వాంగమా – పరలోక రాజ్యపు ప్రతిబింబమా |
| యేసయ్యను ఎదుర్కొనగ – నీతి నలంకరించి సిద్ధపడుమా |
| ఓ సంఘమా వినుమా |
| 1. |
| రాణి ఓఫిరు అపరంజితో – స్వర్ణ వివర్ణ వస్త్ర ధారణతో |
| వీణ వాయిద్య తరంగాలతో – ప్రాణేశ్వరుని ప్రసన్నతతో |
| ఆనంద తైల సుగంధాభిషేకము (2X) |
| పొందితినే యేసునందు (2X) |
| ...ఓ సంఘమా... |
| 2. |
| క్రీస్తే నిన్ను ప్రేమించెనని – తన ప్రాణ మర్పించెనని |
| స్వస్థపరచె నిర్దోషముగా – ముడత కళంకము లేనిదిగ |
| మహిమా యుక్తంబుగా నిలువ గోరె యేసుడు (2X) |
| సహియింతువా తీర్పునాడు (2X) |
| ...ఓ సంఘమా... |
| 3. |
| చీకటిలో నుండి వెలుగునకు – లోకములో నుండి వెలుపలకు |
| శ్రీకర గుణాతిశయములను – ప్రకటించుటకే పిలిచెనని |
| గుర్తించుచుంటివా క్రియలను గంటివా (2X) |
| సజీవముగా నున్నావా (2X) |
| ...ఓ సంఘమా... |
| 4. |
| చల్లగనైన వెచ్చగను – ఉండిన నీకది మేలగునా |
| నులివెచ్చని స్థితి నీకుండిన – బయటకు ఉమ్మి వేయబడుదువేమో |
| నీ మనసు మార్చుకో తొలిప్రేమ కూర్చుకో (2X) |
| ఆసక్తితో రక్షణ పొందుమా (2X) |
| ...ఓ సంఘమా... |
| 5. |
| కడపటిబూర మ్రోగగానే- కనురెప్ప పాటున మారుదువా- వడిగా |
| మేఘాసీనుడవై- నడియాకాశము పోగలవా-గొఱ్ఱెపిల్ల సంఘమా (2X) |
| క్రీస్తురాజు సంఘమా- రారాజు నెదుర్కనగలవా (2X) |
| ...ఓ సంఘమా... |